邓纳东尼话晒係意国一代名将，亦执教过�..

Mic少：帕尔马失意军人够争气

帕尔马今季成功演绎「失意军人」大翻身好戏，教练邓纳东尼、两位射手卡斯辛奴、阿马利，都曾经名震一时，但近年事业走下坡，结果喺帕尔马相聚，反而产生「负负得正」化学作用，近八仗保持不败，包括作客击败劲敌拿玻里，绝对唔嘢小，今晚作客小让利禾奴平半，力撑帕尔马上盘。

邓纳东尼话晒係意国一代名将，亦执教过意大利国家队，可惜近年际遇麻麻，直至两年前成为帕尔马主帅，先至安定下来。或者物以类聚，佢今季搵番高峰期已过嘅卡斯辛奴帮手，效果出奇地好，呢位「坏孩子」凭个人魅力及足球才华，带起整支球队，前祖云达斯射手阿马利喺佢支援下都翻生，加上「人球」马高柏洛路大熟大勇，成为意甲一支拦路虎，对住费伦天拿、AC米兰、拿玻里、国际米兰，都能够保持不败。

利禾奴信心尽失

利禾奴继续沉沦，近七场联赛只得一和六负，已经成为降班热门，球员信心及士气尽失，唔係帕尔马对手。