英超动物大战51足球比分，「天鹅」史云斯主场大战「斗鸡」热刺

英超动物大战，「天鹅」史云斯主场大战「斗鸡」热刺，近期颓势嘅「天鹅」备受降班威胁，为护级实搏，反观热刺领队舒活近日讲明球队喺今个转会窗将有入有出，军心自然不稳，「斗鸡」今场难啄死「天鹅」，主队受让值捧，一于拣让球主胜﹗

（now 621周日晚9时30分直播）

「天鹅」近排飞唔起，联赛近7场不胜，搞到同榜尾嘅新特兰只差4分，就快跌落降班区，但凡事唔可以睇表面，史云斯近排连场恶战，爱华顿、车路士、曼城、曼联无论实力同兵源都强过佢哋，真係好恶啃，失分属正常，而且队波喺呢几仗表现其实唔差，若非爱华顿嘅巴克里喺临完场射入一记靓罚球，「天鹅」或唔会3分全失、作客车路士亦差啲逼到车仔入绝路，队波真係唔係想像中咁颓。领队米高劳特立亦深知球队备受降班威胁，日前就下令球员一定要为护级搏命，相信球员今仗一定唔敢放鬆。

球员有离心 热刺不稳

热刺嘅队徽係一隻斗鸡，但呢隻「斗鸡」今季唔係特别勇勐，係领队舒活接手后先有番啲起色，但「斗鸡」今场战「天鹅」难言稳胜，皆因佢哋对上六次作客史云斯只係赢得一场咁大把。加上热刺有人满之患，有球员为得更多上阵机会踢世盃而想走，比利时中场查迪尼就率先表明话想离队，舒活日前更证实球会今个转会窗有买亦有卖，见到咁样球员好难真心为球会卖命，今场作客实在让唔起「天鹅」，捧让球主胜。