今仗阿仙奴有隊長奧巴美揚坐完紅牌波監強勢復出(一)

英超攻略：般尼阿仙奴「大」演入球騷

周日英超，阿仙奴作客鬥般尼。今仗兵工廠前鋒奧巴美揚停賽期滿復出，入球能力有保證，惟後防錯漏太多，可取入球[2.5球]「大」。（球賽編號：星期日14；now621台今日10:00pm直播）

今仗阿仙奴有隊長奧巴美揚坐完紅牌波監強勢復出，預計這位「餓波」三場的加蓬射手，會與近期表現不俗的巴西小將加比爾馬天尼利和拿卡錫迪合作攻堅，入球能力有保障。不過，球隊失球問題嚴重，即使上仗英足盃淘汰般尼茅夫，比賽末段亦被對手攻破大門，事實上阿仙奴已經連續四場賽事有失球，加上後防傷兵多，梅斯達菲和哥拉辛拿斯都因傷上陣成疑，另外後防新兵、由修咸頓借入的薛迪索拉斯亦因膝傷要二月中才能上陣，今仗即使有坐完波監的大衛雷斯復出，今場亦難保清白之身。

般尼失球問題嚴重

另一邊廂，對手般尼英超正值兩連勝走勢，當中更是分別擊敗前列分子李斯特城及曼聯。陣中新西蘭射手基斯活特腳風超順，近2場英超攻入2球，此子絕對是今場般尼的破門希望。不過，般尼今季主場失球問題同樣嚴重，12場失掉18球。既然兩隊均是入得又失得，今仗甚有機會上演入球騷，入球「大」有1.8倍值捧。