中皇冠比分场发电机维达尔喺呢6场有4球进帐

祖云达斯呢期着晒火，欧联出局之后场场都入3、4球，中场发电机维达尔喺呢6场有4球进帐，今季已经喺各大比赛累积15个入球，状态真係Fit到漏油。「老妇人」今晚意大利盃8强作客罗马，前者早前先喺联赛以3:0大炒首都球队，今场捧2.32倍客W，撑Old Lady再赢多次！

（now633、660台周三凌晨3:45直播）

维达尔今季状态认真掂，上上落落助攻助守，仲不时有波入，依家喺所有比赛入咗15球，仲多过射手泰维斯（11球）。

劲入15球多过泰维斯

冇错，维达尔有6个入球嚟自12码，不过佢做刽子手只曾两次射失，成绩相当亮丽。虽然今场祖记教练干地或会变阵留力，但维达尔咁好状态，应该会喺呢场大战上阵。至于后防悍将基亚连尼下场联赛对拉素要停赛，今场可以更加放心搏杀。

罗马除咗后衞巴沙列堤继续养伤外，其他球员都可候命上阵。教练鲁迪加西亚可能会收起迪罗斯，用比真历、史杜特文同尼恩兰高组成3人中场，前面依旧倚重费奥伦斯、托迪同谢云奴攻坚。虽然强阵对祖记，问题係对手近期咁好态，罗马真係唔多够砌。

意盃赛制今轮为8强赛事，法定时间内打和将加时30分钟，未分胜负则以互射12码决胜。