到底zqzq足球比分曼联教头莫耶斯个免炒金牌几时失效？

到底曼联教头莫耶斯个免炒金牌几时失效？睇埋今场就知啦！曼联于英格兰联赛盃四强次回合回师主场对新特兰，「红魔鬼」首回合落后1比2，今战都係焗攻，但佢哋条豆腐防线无法予人任何信心，1.26倍Ｗ买唔落手，玩大盘好过！

（TVB301周四凌晨3时45分直播）

咩叫低处未算低？曼联咪就係最佳例子囉，球队踏入2014年五战四败，灰过魁北克，最正係莫耶斯够胆死话球队仲有机会争标，听到吓一跳，然后得啖笑！标係有得争嘅，不过係联赛盃锦标囉，查实首回合输紧一粒唔係世界末日，但佢哋今季先后于主场不敌西布朗、爱华顿、纽卡素同史云斯呢类中型班，呢个1.26倍主W绝对唔稳阵囉！

曼联豆腐防线难保清白

曼联于两大射手朗尼同尹佩斯养伤期间进攻乏力，莫耶斯若有心晋级，麻烦将香川真司摆去中间造波，否则又会见到两翼乱斩画面无限loop！「红魔鬼」谷前抢攻后防必空，防线重心尼曼查维迪上场怒剷申请红牌今场唔使踢，赖低基斯史摩宁、庄尼伊云斯等人扼守中路震过猫王，左闸艾拉亦有伤，随时要用攻守都唔掂嘅阿历山大毕拿，咁嘅组合，前面入埋都唔够输啦！

新特兰免费接fans打气

新特兰首回合凭波连尼射入争议十二码奠胜，呢个利物浦借将唔会错过打落水狗嘅机会，左脚王阿当庄臣近两仗独建四功状态超勇，大军作客一样有本钱士哥。早排传出曼联想斟「黑猫」门神文路尼，相信係莫耶斯扰敌之策，佢并冇中计，仲话唔怕「红魔鬼」，而球会就特别安排免费巴士接送粉丝去奥脱福，咁好招呼，梗係嗌大声啲打气啦。

莫耶斯话就话有免炒金牌，但众怒难犯，若然今战有乜闪失恐怕「魔粉」反莫行动会进一步升级，到时太上皇费爵爷都未必保得住佢。两队今季两次交手同样开大，今场预期都係入球骚，要大盘。

领队Chit Chat

莫耶斯(曼联)：我哋将会用尽全力作战，希望可以成功晋级，我都意识到球迷唔係好开心，好希望做啲嘢令佢哋更加高兴。

普耶(新特兰)：去到奥脱福一定要好似上场头廿分钟打得咁好，如果唔係就会出局！我哋要做啱晒所有嘢，处理好每个细节。