「金球天王」领军开骚！

C朗「归位」 巴利罚球准

「金球天王」领军开骚！今晚西班牙盃8强首回合，将会有皇家马德里作客爱斯宾奴，「银河舰队」喺新科金球奖得主C朗拿度，同埋「新罚球王」加里夫巴利联手下，要大炒实力唔算强嘅主队唔係难事，梗係力捧1.65倍「让球客胜」啦！

（now632台周三凌晨4:00直播）

皇马喺联赛虽然暂时未能登上榜首位置，但其实「银河舰队」喺各项赛事已取得8连胜兼劲入19球，兼且连续6场1球未失，无论防线定係锋线表现都非常出色！梗係啦，C朗拿度还咗拎金球奖个心愿之后终于「归位」，近两场都取得入球交出上佳表现，最紧要係连带班队友都踢得好咗吖嘛！

爱斯宾奴防守唔掂

唔止受转会传闻困扰嘅迪马利亚大踢「争气波」，同样连续两战取得「士哥」；加埋被西班牙《马卡报》誉为「新罚球专家」嘅加里夫巴利，呢位左脚仔除咗上仗对贝迪斯射入靓绝罚球之外，早前喺联赛对西维尔同埋面对欧联对手加拉塔沙雷时，亦都曾经靠呢招入波，今季罚球嘅准绳度达到非常惊人嘅66.6%，有咁强嘅进攻火力，试问又有边个对手顶得住先？就算沙治奥拉莫斯可能缺阵都唔惊！

爱斯宾奴近排喺主场5场比赛获得4胜1负，睇数据就好似几劲嘅，但佢哋嗰场败仗正正係输畀皇马，而且佢哋近6战得1场冇失波，证明防守根本唔稳阵，就算有近况唔错嘅沙治奥加西亚压阵，都好难同皇马抗衡喇。