「红魔鬼」现时处于谷底，唔少人都睇好车仔今场赢得

是日英超大战车路士主场对曼联，「红魔鬼」现时处于谷底，唔少人都睇好车仔今场赢得。不过，两队始终都係英超顶级球队，实际差距冇想像中咁大，车仔让到半一实在嫌多，正路让平半盘先啱数，横计掂计，肥叔都係觉得玩大盘较佳。

维罗纳受让笋爆

讲番今次重心场次，意甲赛事AC米兰主场对维罗纳，捧客队！AC米兰搵到新帅施多夫领军，气氛好番好多，亦令唔少人憧憬佢哋下半季会反弹，有呢种谂法好正常。不过，AC内部始终存在问题，唔係话换帅就可以马上搞掂，特别係施多夫本身冇乜领军经验，到底係咪真係咁叻，仍然有待验证。维罗纳今季踢落好硬淨，呢场有得受让球半抵玩到不得了，下盘值得捧场。

（TVB 301周一凌晨3时45分直播）

另一米兰市球队国际米兰会作客热拿亚，国米作客其实绝对唔叻，论客场评级只係意甲二线球队，今场要让波纯粹因为名气大，仲要让到半一，真係过火啲噃！热拿亚主场不嬲硬淨，只要今场发挥正常，绝对有力保持不败，下盘博得过。

（TVB 301周日晚10时直播）