重头戏係阿积士主场对飞燕诺嘅国家打吡

今日续有荷兰盃8强上演，重头戏係阿积士主场对飞燕诺嘅国家打吡。阿积士近年主场专剋住飞燕诺，而且前锋主力史基贺臣强势复出，1.7倍主W值得捧场。

（周四凌晨3时45分开赛）

阿积士、飞燕诺来自国内两大主要城市阿姆斯特丹及鹿特丹，当地人叫呢场打吡做Klassieker（经典），分量等同西甲皇马对巴塞，主场出击更加唔衰得，阿积士过去六次于主场迎战飞燕诺取得五胜一和佳绩，包括今季首循环赢2比1，前锋史基贺臣更于该仗梅开二度。呢名冰岛国脚喺去年底受伤终于复出，上周末联赛阿积士就凭佢一脚搞掂另一劲敌燕豪芬，今仗随时再做飞燕诺剋星。

摩纳哥大盘稳阵

另外法足盃亦会上演32强，富豪球会摩纳哥作客非联赛球队MDA查斯利，摩纳哥牌面虽然高几班，但睇番上圈佢哋对住低组别球队瓦纳都係险胜3比2，捧大稳过客W。最后图卢兹同样作客非联赛队伍穆兰，图卢兹作客两连胜，1.5倍客Ｗ赔率算有分头。