曼城喺英格兰联赛盃四强首回合主场对韦斯咸淨胜六球

三支劲箭轮流发威

曼城喺英格兰联赛盃四强首回合主场对韦斯咸淨胜六球，次回合作客韦斯咸再被捧成一面倒热门，主帅比历连尼高调表明要做四冠王，射手迪斯高就话要继续士哥浪潮，而且球队今季入球数成功破百，真係劲到癫，撞啱「锤仔帮」防线天残地缺，相信又会上演另一场入球骚，捧大盘最稳阵！

（TVB 301周三凌晨3时45分直播）

曼城现时兼顾四条战线，比历连尼指出球队信心处于高点，唔单止正选十一人弗爆，而係全军上下都充满战意，佢话球队实力强劲，绝对有力完成四冠王伟业。事实上，大军经过上周英超后，喺各项赛事射入103球，锋力惊人，三大射手迪斯高、尼格度同阿古路都丧入波，前者更话要继续士哥，落到场唔会Hea踢。

6球在手 点玩都得

曼城有六球在手，晋级只係时间问题，但由于球队后备力量实在太强，就算轮换人脚仍然好劲。会方早前将瑞典年轻射手约翰古达迪借咗去史笃城，前线三大射手轮住用，无论出边个都係咁有威胁。至于中场拿斯尼及鲁迪维尔等人要养伤，但仲有占士米拿呢类高质后备兵撑住，影响唔係好大。

韦斯咸只为面子而战，伤愈复出嘅中锋安祖卡路尔有机会担正攻坚，有本钱争取士哥。不过，佢哋最大镬係防线人脚唔齐，守将云斯顿列特、佐治麦卡尼、迪美同祖尔奥拜恩全部伤晒，整条防线唔同晒咁滞，都几难顶得住对手强攻。两军今季两次交手，曼城赢晒入九球失一球，今战都係大胜格。