阿King睇中一场荷兰盃八强洛达主场斗阿尔克马尔

今日受注赛事以盃赛做主打，阿King睇中一场荷兰盃八强洛达主场斗阿尔克马尔。洛达今届喺荷兰盃先后淘汰燕豪芬、维迪斯出局，而且球队上场联赛喺新帅汤马臣领军下踢出顽强斗志，主场唔怕阿尔克马尔，让球主胜可作过关重心。

（周三凌晨3时45分开赛）

两军上周末喺歇冬后首场荷甲都有唔错表现，阿尔克马尔主场以3比0轻取NAC，洛达作客海伦芬则喺两度落后下逼和对手，首次正式领军嘅新帅、前丹麦国脚汤马臣睇嚟有料到。洛达现时喺荷甲虽然排名16要踢护级战，不过出战荷兰盃表现却分外醒神，对上两圈先后击败燕豪芬、维迪斯两支实力分子，相反阿尔克马尔之前赢嘅都係荷乙球队，上圈面对甲组嘅海伦芬即要踢至互射12码先晋级，作客冇必胜把握。

扒冷撑牛津联「+1」

另外，英格兰足总盃第3圈（64强）重赛，英冠查尔顿作客斗英乙牛津联。查尔顿近六场作客不胜，最近一次作客赢波已经係去年11月，而且佢哋目前联赛陷入降班漩涡，盃赛未必太上心，牛津联有力爆冷，捧让球主胜。最后法足盃32强，马赛主场斗尼斯。尼斯上周中于另一盃赛法联盃8强和南特合演入球骚，最后以3比4饮恨。马赛上场联赛因场地问题改期，养精蓄锐相信会有唔少入波出现，捧大盘。