足总盃又出埋局，欧联战场强队林立又唔慌恶得出样

英格兰联赛盃4强次回合

联赛落后紧「一哥」阿仙奴14分，足总盃又出埋局，欧联战场强队林立又唔慌恶得出样，曼联今季最有机会争嘅只係得番联赛盃。4强首回合「红魔鬼」1:2输畀新特兰，领队莫耶斯赛前逼朗尼复操，务求今晚返到奥脱福向对手狂轰勐炸，不过定海神针尼曼查维迪要坐波监，对住有弗爆快翼阿当庄臣孭飞嘅新特兰唔係赢硬，热捧1.59倍大最明智。

（TVB301及广东体育周四凌晨3:45直播）

曼联礼拜一凌晨大败畀车路士1:3，「天真队长」尼曼查维迪赛后终于转口风承认夺标无望，连精神领袖都咁讲，阵营士气好极有限啦！争一步就可以杀入联赛盃决赛，曼联领队莫耶斯为份工定抑或面子都好，今晚喺次回合出击绝对係非胜不可。

莫耶斯逼爱徒复出

据英国《镜报》透露，受鼠蹊伤困扰嘅前锋朗尼，喺当地时间礼拜一闭门操咗两课，莫耶斯为保住饭碗懒理爱徒伤势，赛前暗示会逼「魔童」提早喺今仗复出，摆到明想喺呢场次回合关键大战晒冷。有「勐虎出柙」嘅朗尼肩负攻击重任，曼联火力肯定会大大提升，主场面对连续6仗有失波嘅「黑猫」，照计要撕破对方防线唔难。

新特兰AJ近4战入5球

之不过咁喎，新特兰都唔係善男信女，继首回合爆冷砌低曼联之后，佢哋打后喺联赛赢富咸4:1，上仗就算早早落后修咸顿两粒都追得番，证明由普耶领军嘅「黑猫」，无论火力同韧力都唔讲得笑。查实呢排新特兰之所以咁Sharp醒，阿当庄臣绝对係最大关键，「AJ」近4场波入咗5球，新特兰最近11个「士哥」有9球都关佢事，有呢位Fit爆快翼冲锋陷阵，作客要队爆有尼曼查维迪坐波监嘅曼联防线，唔係天方夜谭，既然大家都有入波本钱，梗係要捧大啦！

Data King：红魔9次入4强8次过关

新特兰连开4口入球大。

曼联近7仗未试过半场领先。

「红魔鬼」近9次出战联赛盃4强有8次晋级。

乜都玩锦囊：新特兰少大败博让和

新特兰过去46年未试过喺奥脱福赢波，近22年亦未曾杀入过盃赛决赛，4届联赛盃盟主曼联确係有望赢波晋级。但係考虑到「黑猫」近13场波只係输3铺，而且3场败仗都只係仅输，曼联想炒起对手都唔易，3.6倍「让和」有得谂。