毕尔包今季主场劲到识飞

誓保主场不败金身

毕尔包今季主场劲到识飞，现时係除咗巴塞隆拿同马德里体育会之外，另一支主场不败嘅西甲球队。佢哋今轮联赛主场斗排尾3嘅华拉度列，恃住自己嘅主场优势，同对手近况咁差，要保住不败金身唔算难。毕尔包让一球咁笋，一于捧1.82倍嘅「让球主胜」！

（开赛时间：周二清晨5:00）

华拉度列或缺中场艾拔

毕尔包今季联赛主场8胜2和，只係失咗9球，如果唔係作客表现走晒样，一定唔止得36分咁少。虽然今场佢哋有首席射手米基尔列高，同今季入咗4球嘅后防勐将米基圣荷西停赛，射手蒙尼恩膝伤未好番，可能唔出得，但係要搞掂近5场联赛作客未赢过嘅华拉度列，有阿度里斯同伊拜高美斯等坐镇，应该已经够赢。

华拉度列今仗都係倚重前锋查维亚古艾拿攻坚，但係有入球能力嘅德国中场艾拔患感冒，唔知出唔出得。毕尔包只要搞掂查维亚古艾拿，全取3分冇难度。