教头比历连尼更豪言要尽擸锦标

啱啱刷新英超最快百球纪录嘅曼城，士气高昂弗到震，教头比历连尼更豪言要尽擸锦标，今晚佢哋喺英联盃4强次回合作客韦斯咸，虽则揸住6球优势，但「锤仔」明显放弃盃赛叠埋心水护级，副选应战难逃再做炮灰嘅命运，吼实曼城1.83倍「让球客胜」啱数。

（TVB301及广东体育周三凌晨3:45直播）

韦斯咸留力护级

韦斯咸自从旧年12月开始，除咗赢过卡迪夫城，其馀8场联赛拎得2分，现时喺降班漩涡中苦苦挣扎。从「锤仔」喺月初足总盃斗诺定咸森林派遣副选落场，英联盃斗曼城半力出击，最终两场夹埋淨吞11蛋，教头艾拿戴斯明显放弃盃赛，况且佢哋阵内伤兵成箩，祖尔奥拜恩、佐治麦卡尼、云斯顿列特等主力全部唔踢得，就算想搏都根本冇本钱。

相反剑指「四冠王」伟业嘅曼城，胜在板櫈深度够厚，日前喺联赛收起费兰甸奴同拿斯达锡两员勐将外，占士米拿只不过踢得十零分钟轻抒脚头，今晚落场搏杀肯定好气好力。至于前线迪斯高同尼格度近4场联手贡献12球之外，就连伤愈复出冇耐嘅阿古路，近两场后备入替都有进帐，三大箭头副偈挞到行，今晚无论边个担正，「锤仔」都好难有运行！

首回合韦客负0:6