最令球迷失望係今季连争标悬念都冇埋

意甲水准日益下降係不争事实，最令球迷失望係今季连争标悬念都冇埋，榜首祖云达斯一枝独秀，领先次席罗马8分，冠军奖盃基本上已成其囊中之物。恐怕连祖记自己都冇心机再搏杀，尤其係上仗创下联赛11连胜纪录后，球员随时有所鬆懈，今晚主场对森多利亚，未必再大炒，主W冇肉食，让球主客和让两球太过火，建议拣2.45倍入球细。

祖记联赛连赢11场，刷新球会纪录，包括大炒罗马3蛋，今仗受一面倒睇好，的确无可厚非。不过要提防「纪录后遗症」，例如罗马创下意甲开季10连胜纪录后，一度大幅回吐，连续4场失分。祖记完成壮举后，随时反高潮，即使继续赢，好可能小胜收工，毕竟已甩开对手太远，争胜决心难免下降。另外，祖云达斯将于下周中意大利盃8强硬撼罗马，球队欧联出局，自然想囊括本土锦标补数。既然联赛已佔绝对优势，今仗或会留力，准备下周中作客罗马。

森多利亚死守少大败

森多利亚今季斗强队几乎全败，但多数小负1球，包括首循环0比1不敌祖记，作客AC米兰及拿玻里分别输0比1及0比2，早前意大利盃到访罗马亦仅败0比1，皆因球队有自知之明，唔会同劲旅火併，而係主守打反击。今仗对手係祖云达斯，预计森多利亚会屯重兵死守，博攞1分已达标。