喺联赛少打1场落后榜首巴黎圣日耳门18分争标梦碎

今季表现跌Watt嘅马赛，喺联赛少打1场落后榜首巴黎圣日耳门18分争标梦碎，加上佢哋喺欧联同联赛盃出埋局，依家只剩番足总盃有得争，成班球员咪话唔大压力。佢哋今晚喺法总32强主场迎战状态大勇嘅尼斯，睇怕几难喺法定时间内搞掂对手，一于捧2.52倍「让球客胜」。

（閞赛时间：周三凌晨4:00）

马赛今季输剩法总

马赛今季认真黑仔，喺欧联分组赛同多蒙特、阿仙奴、拿玻里列入死亡F组，结果6战全败包尾出局，冇得踢欧霸盃之馀，更严重打击球队信心。就算佢哋喺上个月换教练改由安尼高领军，表现亦未见起色，至今只赢得2场波。佢哋上仗喺法联盃8强更输畀里昂出局，士气可以话跌到落谷底，兼且主力射手阿休仲未好番，今仗对住回勇嘅尼斯难言稳胜。

尼斯近7场比赛赢5场，当中有5仗保持清白身，而且佢哋个首席前锋施维坦历治重拾射门鞋，对上两场比赛分别有波入。尼斯喺上一圈64强赛事，亦试过作客打败另一支前列球队南特晋级，今次对住态沉嘅马赛，相信有力保持不败。