利物浦依家落后榜首嘅阿仙奴6分

「SAS组合」强势归位

利物浦依家落后榜首嘅阿仙奴6分，争冠係有难度，但係仲有好大机会可以达成球队今季最大目标，就係取得欧联资格喇！今晚红军造访史笃城，史杜列治极有可能复出，重新拍住苏亚雷斯组成「SAS组合」，预料将会上演一场入球骚，中位数2.5球，一于捧1.7倍「入球大」啦！

史笃城副选门将欠稳

红军今季确实係自2008至09球季以嚟，最接近联赛冠军嘅一季，啱啱当选12月份英超最佳球员嘅苏亚雷斯绝对功不可没，佢仲话自己已经「脱胎换骨」，唔再係以前脾气极臭嘅「咬人苏」添！除咗「哨牙仔」生性咗，喺佢季初停赛嗰阵单天保至尊嘅史杜列治亦伤愈，至于上仗复出嘅「神奇队长」谢拉特对攞英超冠军仍然充满期望，更坦言：「如果有人同我讲，整番个全身纹身就赢到英超嘅话，我听日就即刻去纹呀！」证明呢位老将斗志仍然十足o架！

史杜列治复出，相信可以令近8战丧入23球嘅红军火力继续提升，皆因佢受伤之前，同苏亚雷斯合组嘅「SAS」组合，喺7场联赛合力製造咗14个「士哥」！其实单计「阿苏」喺今季英超联赛已经有20球进帐，佢为咗帮球队打入前四兼捧走上季失落嘅英超金靴，今晚实拎史笃城祭旗。

客队史笃城嘅正选门将比高域手指骨折断要抖6个礼拜，要由老将苏连逊顶上，后防实力减弱。相信今晚就算有主场之利，都会出现唔少失球。客队咁攻得，主队防守又曳，「客W」又嫌热，一于博「入球大」！