西甲切尔达主场对华伦西亚，焦点落喺两位前巴塞名将安历基与比斯身

法达斯维：比斯领蝙蝠咬尔仔

「巴塞旧生会」斗教波叻

另一场西甲切尔达主场对华伦西亚，焦点落喺两位前巴塞名将安历基与比斯身上，呢场係佢哋做教头后首次正面交锋。虽然前者名气较大，但教到切尔达一镬粥，相反华伦新帅比斯贵为阿甲冠军教头，迅速为「蝙蝠兵团」拨乱反正，加上近年对碰食住切军，小让平半值得捧场。

（now 632周日凌晨1时直播）

1996年巴塞已故名帅卜比笠臣当年买入安历基及比斯，由于安历基係中前场万能老倌，与大哨合作得丝丝入扣，令呢位皇马弃将赢尽球迷欢心，以金靴之名来投嘅比斯只能屈居后备。不过踢波叻唔代表教波掂，唔计之前教罗马嘅劣绩，安历基今季接手切尔达后差强人意，依家跌到落尾三，上仗作客皇马原本守得好哋哋，岂料一失波后成队散晒，完全唔识踢逆境波，众将愈踢愈冇信心点护级呀？

新帅效应 华伦兵抢缰

虽然球员时代唔够安历基争，但比斯执教经验相当丰富，呢位阿根廷裔教头啱啱先替圣罗伦素勇夺阿甲首循环锦标，并于歇冬嗰阵获华伦力邀回巢。比帅擅于激励士气，周中西盃迎战劲旅马体会，落后一粒依然照攻，斗到补时3分钟由普斯迪加扳平，睇得出众将永不放弃嘅精神，喺新帅效应之下，球员定必抢缰博上位，加上近六次交手华伦赢五次，今仗食硬切尔达喇，呢个上盘捧得过。