车路士今晚打「老虎」，作客斗侯城，车仔状态弗到漏

Mic少：车仔勒唔住作客打老虎

车路士今晚打「老虎」，作客斗侯城，车仔状态弗到漏，圣诞新年快车三战全胜之馀，足总盃亦晋级，最重要係一班前锋逐渐重拾射门鞋，开始发挥球队整体威力，依家勒都勒唔住。「老虎」侯城实际上係「病猫」，遇上豪门即脚软，往往捧蛋收场。以侯城欺善怕恶嘅流弊，今仗犹如螳臂当车，实在冇得斗，客W热爆，直取让球客胜。

莫连奴回巢初期，霸气不及当年，主因係要埋首苦干，重新执番正球队。经过半季努力，车仔重现冠军相，后防少咗季初嘅低级甩漏，近五仗只失一球，进攻上终于见番前锋入波，伊度奥及费兰度托利斯近两场联赛先后建功，成功克服最弱一环。唔好忘记，夏萨特、奥斯卡杜斯山度士、韦利安都拥有上乘破门能力，进攻更立体及多元化，令对手防不胜防。车路士只係落后榜首阿仙奴两分，一轮赛事足以从后赶上，争标斗心非常强烈，绝对唔会放过侯城。

侯城遇强无力还击

侯城今季最威係爆冷赢利物浦，但睇番首循环对车路士、曼城、热刺、阿仙奴、曼联，都输波收场，上轮再斗红军，亦打回原形，淨吞两蛋。睇番侯城呢六场败仗，有五场冇波入，其中四场淨输两球，可见佢哋遇上劲旅，根本冇得打，只能束手就擒。