季初阿仙奴主场以1:3惨负阿士东维拉

「云格复仇战」今晚上演！季初阿仙奴主场以1:3惨负阿士东维拉，搞到唔少「厂迷」对云格死心，最终激发呢位主帅烧钱买人令「兵工厂」升呢做争标分子，今晚轮到阿仙奴喺英超作客近况惨澹嘅维拉，绝对有力炒起对手复仇，一于捧2.33倍「让客」啦！

（now621台周二凌晨4:00直播）

首轮输波惨被球迷寸爆

阿仙奴喺今季英超开咧战主场对维拉输得劲肉酸，当时唔少球迷嘅不满情绪爆发，喺比赛期间向云格高唱「你根本唔知自己做紧乜」，仲叫佢拎钱买人添！不过讲真，如果呢场唔係输得咁惨烈，云格又点捨得破悭囊买入「救世主」奥斯尔，又点会激发到班「厂仔」嘅斗心，成为争标分子先？

维拉劲颓近7战输5铺

今时唔同往日，喺各项赛事取得4连胜嘅「兵工厂」就算冇咗基奥特、艾朗蓝斯同禾确特3位「士哥拿」，仍然有中场大佬路斯基、普多斯基同埋辛迪卡索拉齐齐数胡，上仗对热刺有波入嘅路斯基，更传获阿仙奴破天荒开出优厚条件续约，相信大家都知「兵工厂」好少留用30岁以上嘅老将，咁就证明球会真係吸取咗教训，喺球员买卖政策上改进唔少啦！就算阿仙奴嘅锋力未劲到好似曼城咁场场数人4、5粒，但近排班后防球员劲生性，连续3场都零失球，今晚绝对让得起维拉。

虽然维拉喺主场出击，不过佢哋今季喺自己地头战绩特别差，喺各项赛事13战居然只得3胜，上仗喺英总对住锡菲联仲输埋波添！就算计埋作客，维拉一样颓到震，近7战输足5场，其中得1场冇失波，后防大将华亚尔仲未知出唔出得，今铺睇怕要输镬甘喇！

Data King 宾迪基近5个月未入过波

__阿仙奴自98年12月以嚟造访维拉未输过。

__「兵工厂」连续5仗半场不失。

__维拉射手宾迪基自上年9月之后都未入过波。

乜都玩锦囊 小兵防守掂撑埋入球细
维拉20轮联赛过后仅入19球，想喺英超防守力最强嘅阿仙奴身上攞着数难过登天。考虑到「兵工厂」近期狂开细，唔想太进取玩阿仙奴「让客」嘅朋友，可以考虑拎客W做过关胆，又或者博个2.05倍入球细。