今晚英超尾场史笃城主场对利物浦

今晚英超尾场史笃城主场对利物浦，自从史笃城08/09年球季重返英超以来，利物浦于联赛作客不列颠尼亚球场从未赢过，不过数据係被人来打破，以红军今季强势，加上有「史独」史杜列治伤愈伙拍大勇嘅苏亚雷斯攻坚，今场一于捧利物浦打破宿命开客W。

（now 622周一凌晨零时10分直播）

利物浦对上五次联赛作客史笃城两和三负，最近三季全部落败，不过今季英超已经多次出现有球队打破多年不胜宿命嘅场面，所以呢类数据只可以用嚟参考。啱啱赢得十二月份最佳球员嘅苏亚雷斯状态有几弗已经唔使再多讲，佢喺上周足总盃对奥咸只係做后备，可以养精蓄锐争取士哥，而且最令红军球迷振奋嘅消息係另一射手史杜列治已伤愈，今仗可以复出，令前线攻力更加如虎添翼。

史笃城近仗狂失波

史笃城今季主场曾经打和曼城及赢过车路士，成绩绝唔失礼，不过喺晓士领军之下，球队后防明显冇过去几年咁稳阵，连盃赛在内佢哋近六场比赛一共失咗十三球，平均每场失两球以上，加上近期表现突出嘅艾萨迪因借用条例未能倒戈，势令主队威胁力大减，红军只要踢出水准有望全取三分。