爱斯宾奴今晚喺西甲主场迎战皇家马德里

爱斯宾奴今晚喺西甲主场迎战皇家马德里，虽然爱斯宾奴10月中曾经喺主场打破马体会不败身，不过佢哋之后嘅演出就走晒样，今晚对皇马实在冇咩保证。相反，「银河舰队」经过歇冬小休后，踢咗三场波都可以淨胜对手，反映状态保持得唔错，有望趁机缩窄同榜首嘅差距，点会放过爱斯宾奴先？皇马让一球，一于捧1.72倍「让球客胜」啦！

（now632台周一凌晨2:00直播）

「谢斯仔」成后备杀手

爱斯宾奴早排砌低马体会后以为好威，点知之后喺自己地头对住皇苏、西维尔同马拉加都赢唔到，证明「主场威力」极度飘忽，仲有呀，呢队波歇完冬仍然未操番「弗」状态，就算今晚有主场之利，都好难有好表现。

同爱斯宾奴啱啱相反，皇马踏入2014年后三连胜，最令皇马粉丝安慰嘅係，前锋宾施马连续两仗取得「士哥」，C朗同复出嘅巴利亦有入波同助攻，「三叉戟」状态咁好，唔怕冇波入。值得一提嘅係，皇马「人气王」谢斯洛迪古斯潜质优厚，今晚作客爱斯宾奴，随时后备上阵又有进帐。