列斯联曾喺千禧年代初期有过一段风光日子

科娜：锡周三列斯联斗曳吼细

昔日英超劲旅、十年前开始衰落嘅英冠球队列斯联今晚将作客英格兰传统弱旅锡周三，列斯联近况劲曳，攻力疲弱，今仗作客睇怕都係攻唔入防守唔差嘅锡周三，入球细值得捧场。

两军攻力都唔掂

列斯联曾喺千禧年代初期有过一段风光日子，00-01球季更喺欧联杀到入四强，可惜之后无以为继，更因财困问题而开始沉沦，喺03-04球季降班到英冠，自此一直喺低级联赛徘徊，至今仍未回复昔日光辉，今季仍为攞升级附加赛资格而苦苦挣扎，球队依家喺英冠排紧第八，近期状态好差，近三仗全败，上场英足盃对住乙组仔罗奇代尔输咗不特止，更係一球不入，攻力好有问题。

之前一直停留喺降班区嘅锡周三近期终于暂离降班漩涡，球队状态回升，尤以防守有改善，但呢队波始终係守强于攻，攻力唔掂，所以近七场有六场开出入球细，今仗一于再捧细盘。