今场对手韦斯咸其实同之前马基麦基执教紧嘅卡城情况相似

渡边年：苏B稳阵派啱晒卡迪夫城

睇开《东方波经》嘅，都知渡边年一向有留意开挪威嗰边嘅赛事，尤其近两年莫迪称霸挪威，渡边年可以话见证住苏斯克查王朝嘅崛起。估唔到话咁快可以喺电视直播睇住「苏B」指挥，今日佢嘅卡迪夫城主场对韦斯咸，苏斯克查嘅执教哲学係攻守平衡，唔会丧攻，亦唔刻意守，对住下游球队应可顺利赢波，让平半可取。

苏斯克查喺挪威执教莫迪三年，攞到两次联赛一个盃赛冠军，但佢教嘅球队得失球都唔係特别标青，属于稳打稳扎型，呢种风格就最啱现时嘅嘅卡迪夫城，卡城之前对强队输仲有得倾，但对住中下游球队都攞唔到分就冇得好讲，「苏B」嚟到就解决咗呢个问题。

韦斯咸士气跌谷底

今场对手韦斯咸其实同之前马基麦基执教紧嘅卡城情况相似，攻守都唔稳阵，佢哋仲要接连喺足总盃同英联赛畀诺定咸森林及曼城大炒，士气跌到谷底。今仗护级六分波都係相信苏斯克查多啲，小让平半要上盘。