今季卖走晒尼格度、捷西斯拿华斯、加利美度、干度比亚等主力嘅西维尔

法达斯维：艾尔切回落难敌西维尔

今季卖走晒尼格度、捷西斯拿华斯、加利美度、干度比亚等主力嘅西维尔，一度被认为有降班之虞，但经过半季之后，唔单止杀入欧霸16强，仲有力争来届欧联入场券添。除咗归功教头艾美利领导有方之外，不得不讚该队球探眼光独到，只係用咗700万欧元，从布鲁日执到笋货卡路士巴卡，挟住比甲金靴威名初登西甲即有料到，依家喺联赛已经入咗9球。除咗呢位哥伦比亚前锋脚风劲顺之外，从圣日耳门借来嘅加美路时有佳作，加上中场指挥官兼队长拿杰迪锡重拾状态，无论造波定后上埋门都交足货，甚至惹来利物浦垂青添。

西维尔今仗作客艾尔切，后者经过一轮虚火后，已经打回原形，近4场输晒之馀，有3场连波都入唔到，就算主场出击，都顶唔住西维尔进袭，西军小让平半不容错过。